بدايةً سعدت جداً لكون م/ محمد أنور خريج كلية الزراعة جامعة الأزهر حيث أنني خريج كلية زراعة أزهر أسيوط قسم أمراض النبات
أنا من الصعيد وعمري 30 عام واشتغلت في النقاشة سحب معجون فقط وأردت ان أتعلم فنيات النقاشة من الألف إلى الياء في شقتي وشقة اخي حيث أنهما جاهزتين على سكنتين معجون وشقة ثالثة على المحارة
فأردت أن أحترف الصنعة حتى اعمل بها كصنايعي مع غيرى وآخذ أجرة صنايعي لعدم وجود فرص عمل بالصعيد
آسف للمقدمة الطويلة ولكن هذا من عشمي لرؤيتي كرمكم في الرد على من يسأل دون بخل وشرحكم واضح وبسيط جزاكم الله خيرا وجعله في ميزان حسناتكم
إذا سمحت لي أبدأ في استفساراتي آسف لكثرتها ولكن وجدت ضالتي عندكم جزاكم الله خيراً.
1 _ الشقة التي على المحارة أردت أن اتعلم فيها المعجون البلدي وأنا أعرف المكونات والمقادير ولكن لم أجرب وأخشى من الفشل في البلدي وهل توافقني على ذلك وإن وافقتني على البلدي ممكن تديني سر صنعته ؟
2 _ سكنتين معجون بلدي ينفع عليهم سيلر وبطانة بلاستيك أم لابد من بطانة سانتون وبعد السانتون بطانة بلاستيك على طول
3 _ ماهو رأي حضرتك في تجليخ الحوائط اللي على المحارة بالغراء , أم السيلر أفضل أم السحب على المحارة مباشرة كما نفعل هنا في الصعيد؟
4 _ شقتي وشقة اخي من فترة واخدين سكنتين معجون سكيب شكاير ومش شغلي شغل أي كلام وحاسس
إن المعجونة ضعيفة وعيوب الحيطة واضحة من غير بطانة ( عايز أعضم ) ببطانة سانتون ولا مينفعش
والأحسن أسحب سكينة تالتة وسيلر وبطانة بلاستيك
5 _ ايه رأي حضرتك في المعجون اونو شيلد بتاع سكيب وهل ينفع سكينة تالتة فوق سكيب البريمو وكام تمن شيكارة اونو شيلد وتكفي كام متر سكينة تالتة؟
6 _ بالنسبة للخشب النوعية الرديئة اللي عندي مدهون سلاقون هل يعمل السلاقون بديل البطانة ام أزيله بالسنفرة وادهن بطانة سانتون, عايز ادهنه لاكيه بني شيكولاتي وقريت عن معجون السانتون هنا وطريقة الدهان الله يباركلكم ولكن ينقصني ( إزاي إطلع لون اللاكيه الشيكولاتي وهل المطفي احسن ولا أضيف ورنيش للاكيه؟
7 _ بالنسبة للستوك أنتيكة سعره كام وهل ينفع على الخشب باب الشقة الرئيسي ياخد كام كيلو وعلى معجونة نوعها ايه؟
8 _ اما البلاستيك انا مقتنع بكلام حضرتك عن البلاستيك المطفي وقريت من حضرتك عن ( رويال )
هل تقصد رويال بتاع شركة سكيب ام رويال السعودي وكام تمن الكازلة رويال المطفي قابل الغسل مضاد الفطريات؟
9 _ أخيراً وآسف على الإطالة شقة حوالي 280 إلى 300 متر حوائط وأسقف محارة متوسطة تاخد كام شكارة سكيب البريمو 2 سكينة؟
الله يباركلك يابشمهندس محمد انور
السبت فبراير 09, 2019 8:46 pm من طرف kenzytop
» الربح الحقيقي من اختصار الروابط ٥ دولارات يوميا من ad you.me
السبت فبراير 09, 2019 8:38 pm من طرف kenzytop
» اسهل طرق الربح من الانترنت بدون امتلاك موقع اوي شئ
السبت فبراير 09, 2019 8:36 pm من طرف kenzytop
» اغرب ما يمكن الحصول عاليه في اقل من شهر
السبت فبراير 09, 2019 8:35 pm من طرف kenzytop
» غرفة اطفال اولادى 2018
السبت يناير 27, 2018 2:23 pm من طرف Admin
» غرفة بنات مودرن2018
السبت يناير 27, 2018 2:21 pm من طرف Admin
» غرفة نوم مودرن 2018 من بعض اعملنا
السبت يناير 27, 2018 2:18 pm من طرف Admin
» احدث ديكورات 2018
الجمعة يناير 26, 2018 6:45 pm من طرف Admin
» الرجاء المساعده فى معرفه اسعار الحاجه دى
الأحد ديسمبر 04, 2016 10:21 am من طرف Admin