الرجاء المساعده فى معرفه اسعار الحاجه دى

عايز اعرف اسعار الحاجه دى
2سكينه معجون مقاس 16
روله كبيره لدهان الحوئط
روله مقاس 10 سم
فرشه مشط 2.5 بوصه
بستله سيلر مائى
شيكارة معجون اكريلك جى ال سى
شيكارة معجون سكيب
وايمها افضل وارخص اكربلك ولا سكيب
بستله دهان بكين 666 وبكيين 777
5متر صنفرة من كل مقاس
مقاس100 و مقاس 120
فرخ صنفرة دوكو 2205
انا عرف انى تعبت الناس فى المنتدا جامد بس انا روحت اجيب الحاجه دى من عند الموان ادنى اسعار غريبه اوى
وياريت لو فى شرح بسيط لطريقه دهان الابواب والشبابيك الخشب
ومساحه كل الحوائط عندى حوالى186متر تاخد منى كام شكاره معجون وكام بستله دهان بكين 666 وبكيين 777 فى الوش الاخير
والف شكر يا جماعه على تعبك معايا

2سكينه معجون مقاس 16 2*5ج= 10ج
روله كبيره لدهان الحوئط 10ج
روله مقاس 10 سم 5ج
فرشه مشط 2.5 بوصه 10 او 15
بستله سيلر مائى 45 الى 75 انواع مختلفة
شيكارة معجون اكريلك جى ال سى 35ج
شيكارة معجون سكيب 37ج
وايمها افضل وارخص اكربلك ولا سكيب سكيب افضل
بستله دهان بكين 666 78ج
وبكيين 777 150ج
5متر صنفرة من كل مقاس 5*ج4=20ج
مقاس100 و مقاس 120
فرخ صنفرة دوكو 2205 3.5ج

8شكارة شكاره معجون
3 بستله دهان بكين 666
2بستلة بكين 777 فى الوش الاخير
والف شكر يا جماعه على تعبك معايا

شرح بسيط لطريقه دهان الابواب والشبابيك الخشب
دهان اللاكية
1-صنفرة النجارة جيدا
2-دهان وجه سانتون مخفف بالنفط الرومى
3-سحب سكينة معجون سانتون (سبق شرح عمل المعجون)
4- الصنفرة جيدا
5- دهان وجه نصف لاكية (سانتون+لاكية+نفط رومى)
6-التلقيط بمعجون اللاكية (سبق شرحه)
7-الصنفرة جيدا
8-دهان وجهين لاكية تشطيب
عند اى استفسار واى شى مش مفهوم ارجو الاتصال بى لشرحه جيدا
01111951730 محمد انور

الف شكر استاذ محمد
الواحد من غير المنتدى المفيد دا مكنش هيعرف يعمل حاجه

لا شكر على واجب واى استفسار انا تحت امرك

المعلومات اللى استفدتها فى أول يوم ليا فى المنتدى الجميل ده مستفدتهاش من أى منتدى تانى

لو سمحت انا ركبت حجر نوع الجلالة وش جبل عايز اعرف نوع السيلر اللي استخدمه بعد التركيب وهو لونه فاتح ولو كنت عايز اغمقه درجتين ما نوع السيلر ولو عايزه علي لونه اعمل ايه . وشكرا .

السلير المستخدم لابد وان يكون سلير شفاف مائى 
لان اغلبية السلير المائى يكون لون ابيض ولابد من عمل تجربة على قطة حجر خارجية لتأكد من ان السلير شفاف 
ويمكن دهانه ايضا بورنيش مائى والورنيش يكون بيه لامعة بعكس السلير والورنيش يغمق حوالى درجتين عن السلير 
ويفضل العمل بورنيش او سلير مائى وليس ذيتى لعدم تغير لونه مع مرور الوقت